Халықты әлеуметтік қорғау

Әлеуметтік қамтамасыз ету
Аз қамтылған азаматтарға әлеуметтік көмек көрсету туралы ақпарат
Табысы аз балалы отбасыларды әлеуметтік қолдау мақсатында Қазақстан Республикасының «Мемлекеттік атаулы әлеуметтік көмек туралы» Заңына сәйкес 2018 жылдың 1 маусымына облыс бойынша жан басына шаққандағы табыстары кедекйлік шегінен төмен болған барлығы 2568 отбасына 197,3 теңге көлемінде атаулы әлеуметтік көмек тағайындалды. Оның ішінде:
- шартсыз ақшалай көмек - 533 отбасына 43,5 млн.теңге;
- шартты ақшалай көмек - 2035 отбасына 153,8 млн.теңге көлемінде тағайындалды.
Ақтөбе облысы бойынша 2018 жылдың 2 тоқсанына белгіленген кедейшілік шегінің мөлшері 11955 теңге құрады.
Мемлекеттік атаулы көмек алушылардың орташа статистикалық әлеуметтік сипаты мынадай: барлығы – 12735 адам, соның ішінде мемлекеттік атаулы әлеуметтік көмек алушылардың негізгі үлесін 62,0 % он сегіз жасқа дейінгі балалар; еңбекке қабілетті азаматтар – 17,6 %, балаларды күтуімен айналысатын адамдар – 15,9 %; басқалары – 4,5% құрайды.
Облыс бойынша шартты ақшалай көмек алатын еңбекке қабілетті 818 азамат жұмыспен қамтудың белсенді түрлеріне тартыллды. Шартты ақшалай көмек алатын 295 отбасына жеке қосалқы шаруашылытарын дамытуға біржолғы ақшалай көмек көрсетілді.
Қазақстан Республикасы Үкіметінің «Тұрғын үй көмегiн көрсету ережесiн бекiту туралы» қаулысына сәйкес жергілікті өкілетті органдардың шешімдері бойынша облыста отбасының жиынтық табыстары белгіленген шектi жол берiлетiн шығыстарының үлесiнен асып кетпейтін жағдайда аз қамтылған отбасыларға тұрғын үй көмегі көрсетіледі.
2018 жылдың 1 маусымына Ақтөбе облысы бойынша тұрғын үй көмегі 1584 отбасына 17,9 млн. теңге көлемінде тағайындалды.
Қазақстан Республикасы Үкіметінің 21.05.2013 жылғы № 504 «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын бекіту туралы» Қаулысына сәйкес жергілікті бюджет есебінен азаматтардың жекелеген санаттарына әлеуметтiк көмек көрсетуге аудандық, қалалық маслихаттармен жаңа Қағидалар бекітіліп, 2014 жылдың 1 қаңтарынан бастап облыстағы кейбір санаттағы мұқтаж азаматтарына, соның ішінде әлеуметтік осал топтарына ай сайынғы, атаулы күндер мен мереке күндеріне, өмірлік қиын жағдай туындаған кезде біржолғы әлеуметтік көмектер қарастырылған.
2018 жылдың 1 маусымына Ақтөбе облысы бойынша 16401 мұқтаж азаматқа 412,6 млн.теңге көлемінде қосымша әлеуметтік көмек көрсетілді.
Жоғарыдағы көрсетілген әлеуметтік төлемдерді тағайындау тұрғылықты жері бойынша уәкілетті органда аудандық, қалалық жұмыспен қамту және әлеуметтік бағдарламалар бөлімінде көрсетіледі.