Мемлекеттік қызметшілердің жағымды сипаты қалыптастыру

Мемлекеттік қызметшінің оң имиджін қалыптастырған
Гүлзада-жастарға үлгі
ҚР Президенті Нұрсұлтан Назарбаевпен ұсынылған «Ұлт жоспары – 100 нақты қадамның бірінші бағыты кәсіби мемлекеттік аппарат құруды көздейді. Осы жоспардың 10-қадамы – «Мемлекеттік қызметкерлерді мансаптық жоғарылату үшін конкурстық негізге көшуді» жүзеге асыруға бағытталған.
Мем­лекеттік қызметшінің мансаптық жоспарлауы біліктілігі мен жинаған тәжірибесіне байланысты. Бүгінде «Б» корпусының жоғары лауазымдарына орналасу тек төменгі лауа­зымдағы мемлекеттік қызметшілер қатарынан конкурстық негізде жүзеге асырылуда. Осы мақсатта меритократия қағидатын бекі­ту үдерісі жалғасып жатыр.
Осыған, Гүлзада Алматбайқызы Алматбаева, Ақтөбе облысының жұмыспен қамтуды үйлестіру және әлеуметтік бағдарламалар басқармасы басшысының орынбасары - мемлекеттік қызметтің меритократия принціпінің жарқын дәлелі - төменгі лауазым қызметінен, мемлекеттік қызметкерлер арасынан «Б» корпусының жоғарғы тұрған лауазым қызметіне конкурс бойынша көтерілген.
Гүлзада Алматбайқызы еңбек жолын 1983 жылы қыркүйек айынан Хромтау ТБК-да жұмысшы болып бастады. 1989 жылы тамыз айынан Алматы теміржол көлік инженерлер институтын бітіргеннен соң АҚ «Промтранс»-та оператор ретінде, кейін Жамбыл теміржол бөлімшесінде кассир болып жасаған.
Мемлекеттік қызметі 2003 жылы сәуір айынан Мәртөк аудандық коммуналдық меншік бөлімінде бас маман ретінде бастады. Әр жылдарда Мәртөк аудандық қаржы және бюджеттік жоспарлау бөлімінде бас маман, Мәртөк аудандық ішкі саясат бөлімінде басшы болып жұмыс жасады.
2005 жылдың қазан айынан әлеуметтік саладағы қызмет ісін әлеуметтік көмек көрсету секторының меңгерушісі қызметінен бастап, 2007 жылдың сәуірінен – бөлім басшысының орынбасары, 2009 жылдың шілдесінен 2018 жылғы ақпан айына дейін бөлім башысы қызметін атқарды.
Әлеуметтік саладағы қызмет барысында Г.Алматбаева өзін жоғары білімді, іскерлі, ынталы маман ретінде көрсетіп, Мәртөк ауданының әлеуметтік саясатын жүзеге асыруына көп күшін, білімін, қуатын қосты.
Гүлзада Алматбайқызы мемлекет Басшысының тапсырмаларына сәйкес облыстағы әлеуметтік және экономикалық реформаларды қолдап, халықты жұмыспен қамту және әлеуметтік қорғау саласында мемлекеттік саясат жүргізу, болашағы зор, түйінді стратегиялық және бағдарламалық құжаттар қабылдау мәселелерінің өте қабілетті, білгір маманы.
Гүлзада Алматбайқызы, мамандығына адал және өзіне жүктеген қызметке зор жауапкершілікпен қарап, бастаған ісін аяғына дейін жеткізе білетін жауапты мемлекеттік қызметші. Тәртібімен, байсалдылығымен мемлекеттік қыметшінің әдеп кодексінің ережелерін сақтауда ұжым алдында абырой мен сенімге ие. Отбасында төрт бала тәрбиелеп отырған ана.
Қызметтік міндеттерін үлгілі орындағаны үшін, мемлекеттік қызметте мінсіз жұмыс жасағыны үшін, еңбек қызметіндегі табыстылығы үшін Гүлзада Алматбайқызы бірнеше рет алғыс хаттармен, мадақтамалармен, мерейтойлық медалімен белгіленді: Ақтөбе облысы әкімінің алғыс хаты (2011 жыл), Ақтөбе облысының жұмыспен қамтуды үйлестіру және әлеуметтік бағдарламалар басқармасы басшысының алғыс хаты (2011 жыл), «Нұр Отан» партиясы Ақтөбе облыстық филиалының бірінші орынбасарының алғысы (2015 жыл), Ақтөбе облыстық мәслихат хатшысының алғыс хаты (2015 жыл), «Казақстан Конституциясына 20 жыл» мерекелік медалі (2015 жыл), «Әлеуметтік еңбек саласының үздігі» төс белгісімен (2016 жыл) және ҚР Еңбек және Халықты әлеуметтік қорғау министрлігінің «Құрмет грамотасымен» (2017 жыл) марапатталды.